Ur hotzetan jarri, olioa bota eta su bizia eman irekiten jarri arte. Orduan, sua jaitsi eta motel-motelean eduki behar dira, hiru ordu inguru. Gatza bota, minutu batez irekin eta sua itzalita utzi salda loditu dadin. Sakramentuak, berriz, aparte egitea, hobe. Indabak prestatzeko, gainera, badaude bi arau: ez dira beratu behar, zaporea, itxura eta ezaugarriak aldatzerik nahi ez badugu; eta presiozko eltzea alde batera utzi.
Horiek dira babarrun ekoizleek ematen dituzten gomendioak. Goierrin «uzta bikaina» jaso dute aurten Lazkaomendiko Iztueta Garakoakoek, esate baterako. Udaberriko euriteak zirela-eta, sanferminetan erein zuten indaba; berandu. Urrian, behintzat, jasotzeko garaian lagundu du eguraldiak. Eguraldi ona behar dute leka lehor jasotzeko. Ia jaso eta poltsaratuta dituzte 600 kilo indaba beltz. Gustura geratu da Rosa Intsausti ekoizlea: «Oso ondo egosten da, azala nahiko fina dute-eta», dio berak.
Tolosako Babarruna labeldun indaba ekoizten dute Lazkaomendin, Legorretako Ajoaineko Joxe Mujikak eta Manoli Urangak bezala. Asko mimatzen du Mujikak soroa; 200 edo 300 bat kilo jaso dituzte. Dagoeneko lagunei banatu die eta etxean ere dastatu dute. Sariak ere ugari jaso dituzte Ajoainekoek lehiaketetan; baina ez dutela sekreturik dio, lekuaren eta egindako lanaren ondorio dela.
Ur hotzetan jarri, olioa bota eta su bizia eman irekiten jarri arte. Orduan, sua jaitsi eta motel-motelean eduki behar dira, hiru ordu inguru. Gatza bota, minutu batez irekin eta sua itzalita utzi salda loditu dadin. Sakramentuak, berriz, aparte egitea, hobe. Indabak prestatzeko, gainera, badaude bi arau: ez dira beratu behar, zaporea, itxura eta ezaugarriak aldatzerik nahi ez badugu; eta presiozko eltzea alde batera utzi.
Horiek dira babarrun ekoizleek ematen dituzten gomendioak. Goierrin «uzta bikaina» jaso dute aurten Lazkaomendiko Iztueta Garakoakoek, esate baterako. Udaberriko euriteak zirela-eta, sanferminetan erein zuten indaba; berandu. Urrian, behintzat, jasotzeko garaian lagundu du eguraldiak. Eguraldi ona behar dute leka lehor jasotzeko. Ia jaso eta poltsaratuta dituzte 600 kilo indaba beltz. Gustura geratu da Rosa Intsausti ekoizlea: «Oso ondo egosten da, azala nahiko fina dute-eta», dio berak.
Tolosako Babarruna labeldun indaba ekoizten dute Lazkaomendin, Legorretako Ajoaineko Joxe Mujikak eta Manoli Urangak bezala. Asko mimatzen du Mujikak soroa; 200 edo 300 bat kilo jaso dituzte. Dagoeneko lagunei banatu die eta etxean ere dastatu dute. Sariak ere ugari jaso dituzte Ajoainekoek lehiaketetan; baina ez dutela sekreturik dio, lekuaren eta egindako lanaren ondorio dela. 
