Zelai Arizti aretoan egingo dute Antigua Abesbatza Lehiaketa abenduaren 7an
XV. Antigua Abesbatza bi aldaketa nagusirekin dator. Alde batetik, udaberritik udazkenera aldatu dute hitzordua eta abenduaren 7an egingo dute. Bestalde, neguaren atarian egingo dutenez, Zumarragako Zelai Arizti aretoan izango da Antio baselizan izan ordez. Jose Mari Ayerdi lehiaketaren zuzendariak esan duenez, «lehenengo urtea da lehiaketa Antion ez dela egiten». Abesbatzen Sari Handia baino ez dute jokatu Zelai Arizti aretoan. Aurtengo lehiaketan haurrek osatutako abesbatzak lehiatuko dira: Las Veredas (Madril), Crescendo (Gasteiz), Iruñeako Orfeoiaren Eskolania (Iruña) eta Gaudeamus (Bizkaia).
P Lorenzo Ondarra musikagile nafarraren piezak kantatuko dituzte lehiatuko diren lau haur-abesbatzek
