Igartubeitin mamia egiten irakatsiko diete haurrei
Igartubeiti baserrian haurrentzako tailerra antolatu dute larunbat honetarako. Igorpen eta zentzumen hezkuntza egitasmoaren barne, mamia egiten irakatsiko diete. Horretarako, garai batean artzainek erabiltzen zuten tresna erabiliko dute: kaikua. Tailer honetan 5 urtetik gorakoek parte har dezakete. Horretarako, 3 euro ordaindu behar dute. Izena emateko, 943 72 97 28 telefono zenbakira deitu behar da edo igartubeiti@gipuzkoa.net helbide elektronikora mezua bidali. 
