Gipuzkoa barnealdeko bizkarrezurra
http://youtu.be/WXYFuv7sUyY Beasain-Durango errepideko lanak azken txanpan sartu dira Gipuzkoako eremuari dagokionean. Urretxu eta Antzuola batuko dituen eremuko lanak eta Antzuola eta Bergara lotuko dituztenak martxan daude une honetan. Larraitz Ugarte Mugikortasuneko eta Bide Azpiegituretako diputatuak berriki esan duenez, «Gipuzkoako Foru Aldundia eta Bidegi lan handia egiten ari dira errepide berria 2015eko apirilerako errealitatea» izan dadin. Behin lan hauek amaituta,Gi-632 errepide berriak 23 kilometro luze izango ditu, eta norabide bakoitzean bi errailekoa izango da.
Beasain-Durango errepideko lanak azken txanpan sartu dira Gipuzkoako eremuari dagokionean. Urretxu eta Antzuola batuko dituen eremuko lanak eta Antzuola eta Bergara lotuko dituztenak martxan daude une honetan. Larraitz Ugarte Mugikortasuneko eta Bide Azpiegituretako diputatuak berriki esan duenez, «Gipuzkoako Foru Aldundia eta Bidegi lan handia egiten ari dira errepide berria 2015eko apirilerako errealitatea» izan dadin. Behin lan hauek amaituta,Gi-632 errepide berriak 23 kilometro luze izango ditu, eta norabide bakoitzean bi errailekoa izango da.
Gi-632 errepideko lanak amaitzear dauden arren, orain urte asko hasitakoak dira. Inauguratu zen lehenengotariko errepide zatia Ormaiztegi eta Zumarraga artekoa izan zen, 2005eko maiatzean, hain zuzen. Berritutako zatia 6,4 kilometro luze zen, eta guztira 46,5 milioi euroko kostua izan zuen. Joxe Joan Gonzalez de Txabarri garaiko diputatu nagusiak errepidea, «ingurumenarekiko errespetua galdu gabe, kalitate handiko ingeniaritza lanaren» ondorioa zela esan zuen inaugurazio ekitaldian .
Abantaila Santa Lutzirentzat
Ezkio-Itsasoko Santa Lutzi auzoko bizilagunak izan ziren, dudarik gabe, errepide zati berriaren abantailak lehenengo unetik nabaritu zituztenak. Izan ere, orduko datuen arabera, 19.000 ibilgailu pasatzen ziren auzotik, erdiz erdi, egunero. Horietatik 4.500 kamioiak.
Inauguratu zuten hurrengo errepide zatia Zumarraga, Urretxu eta Legazpiri dagokiena izan zen. Goierri garaiko saihesbide honen lanak 2007an hasi zituzten. Eremuaren orografiak lanak zaildu zituen, eta azkenean, aurrez pentsatutakoa baino gehiago luzatu ziren.
Bi dira errepide zati honetan eraiki zituzten azpiegitura garrantzitsuenak: Argisaoko tunela eta Urolako zubibidea. Argisaoko tunela Gi-632 errepideko luzeena da, 910 metrorekin, eta 2009ko maiatzean amaitu zuten zulatzen. Lan hauek eremu malkartsuan egin behar izan zituzten eta oztopo ugari sortu zituzten. Orduko diputatu nagusiak, Markel Olanok, «errepide honek, behin amaituta, herritarren eguneroko bizitza erraztu eta besteen aurrean lehiakorrak egingo gaitu», esan zuen tunelaren irekiera ekitaldian.
Argisaoko tunela luzeena
Tunela Europako Batasunak ezarritako segurtasun araudia jarraituz egin zuten eta azken teknologiak erabili zituzten argiterian, suteen aurkako sisteman, aireztapenean eta kontrol instalazioetan. 2009ko irailean amaitu zuten bestalde, Urolako zubibidea eraikitzen. Hogei langile aritu ziren lanean eta 200 tonako bi garabi erabili zituzten azkeneko muntaketa lanak egiteko. Pasabidea 266 metro luze da.
Atzerapen ugariren ondoren, 2012ko ekainean inauguratu zuten azkenean, errepide zati hau. Guztira, 2,1 kilometro ditu eta lanen kostua 57,7 milioi eurokoa izan zen, hasierako aurrekontua nabarmen gaindituz. Martin Garitano diputatu nagusiak Goierri, Deba garaia eta Deba barrena lotzeaz gain, errepide berriak «Gipuzkoa beste lurraldeetara gerturatzen» duela esan zuen inaugurazio ekitaldian. Eman zituen datuen arabera, lana amaituta «310.000 pertsonari zuzenean eragingo die ardatz berriak».
Lanak azken txanpan
Errepidea bere osotasunean bukatzeko bi zati falta dira, eta biak eraikuntza fasean daude une honetan. Urretxu-Antzuola zatia 2011ko uztailean hasi zen eraikitzen Bidegi, 39 hilabeteko epearekin. Horren arabera, «obra zibila 2014ko urrirako amaituta egongo da, eta 2015eko urtarrilerako instalakuntza guztiak jarrita», Ugartek esan duenez. Guztira, 2,8 kilometro luze da eta lanen aurrekontua 46,8 milioi eurokoa da.
Bide zati honen ezaugarri nagusia Deskargako mendatea saihesteko tunela da. Guztira, 708 metroko luzera du, eta Alberto Gonzalez lan hauen Bidegiko arduradunak esan duenez, tunela zulatzeko «sistema austriarra» erabili dute. Lanak bi fasetan gauzatu direla esan nahi du horrek: «Lehenengo fasean erdialdetik gorako zatia zulatu dugu, eusteko sistema ezarriz, eta bigarrenean, gainerako zatia zulatu eta eutsi dugu».
Beasain-Bergara ardatzeko azken zatia Antzuolatik Bergarara artekoa da. Lan hauek 2013ko urtarrilean hasi zituzten aldundiaren ardurapean, eta obra zibila amaitzeko epea 25 hilabetekoa izango da. Ugartek esan duenez, «lanak martxa onean doaz» eta aurreikuspenak betetzeko moduan izango dira. Horren arabera, zati hau 2015eko apirilerako amaituta egon behar da. Aurrekontua 41 milioi eurokoa da.
Zati honek 4,8 kilometro ditu, eta duen ezaugarri nagusiena eraiki beharreko bost bidezubiak dira. Antzuola saihesteko hiru bidezubi eraikiko dituzte: Ipurtika (205 metro), Antigua (262 metro) eta Lapatza (81 metro). Eta Deskarga ibaia saihesteko beste bi: Antzuola (180 metro) eta Igeribarerrota (76 metro). Bergarako lotunea Benta Berri auzoan ezarriko da, eta bertatik AP1erako lotura egingo dute.
Aldundiarentzat errepide hau «oso garrantzitsua» dela esan du Ugartek, «Gipuzkoa eta Euskal Herria egituratzeko estrategikoa» delako. Obra «eredugarri» izatea ere nahi dutela esan du, sindikatuekin elkarlanean egindako hitzarmenak eta diru publikoaren gainean egindako «kontrol zorrotza» azpimarratuz.
Beasain-Durango errepideak ordainsaria izango duen ala ez, ez du argitu oraindik aldundiak. Larraitz Ugarte diputatuak, dena den, obraren proiektua «aurreikusitako neurrien arabera» egingo dela aurreratu du, eta ordainsariak jarri ahal izateko plataformak eraikiko direla baieztatu du.
Errepidea bere osotasunean bukatzeko bi zati falta dira, eta biak eraikuntza fasean daude une honetan. Urretxu-Antzuola zatia 2011ko uztailean hasi zen eraikitzen Bidegi, 39 hilabeteko epearekin. Horren arabera, «obra zibila 2014ko urrirako amaituta egongo da, eta 2015eko urtarrilerako instalakuntza guztiak jarrita», Ugartek esan duenez. Guztira, 2,8 kilometro luze da eta lanen aurrekontua 46,8 milioi eurokoa da.
Bide zati honen ezaugarri nagusia Deskargako mendatea saihesteko tunela da. Guztira, 708 metroko luzera du, eta Alberto Gonzalez lan hauen Bidegiko arduradunak esan duenez, tunela zulatzeko «sistema austriarra» erabili dute. Lanak bi fasetan gauzatu direla esan nahi du horrek: «Lehenengo fasean erdialdetik gorako zatia zulatu dugu, eusteko sistema ezarriz, eta bigarrenean, gainerako zatia zulatu eta eutsi dugu».
Beasain-Bergara ardatzeko azken zatia Antzuolatik Bergarara artekoa da. Lan hauek 2013ko urtarrilean hasi zituzten aldundiaren ardurapean, eta obra zibila amaitzeko epea 25 hilabetekoa izango da. Ugartek esan duenez, «lanak martxa onean doaz» eta aurreikuspenak betetzeko moduan izango dira. Horren arabera, zati hau 2015eko apirilerako amaituta egon behar da. Aurrekontua 41 milioi eurokoa da.
Zati honek 4,8 kilometro ditu, eta duen ezaugarri nagusiena eraiki beharreko bost bidezubiak dira. Antzuola saihesteko hiru bidezubi eraikiko dituzte: Ipurtika (205 metro), Antigua (262 metro) eta Lapatza (81 metro). Eta Deskarga ibaia saihesteko beste bi: Antzuola (180 metro) eta Igeribarerrota (76 metro). Bergarako lotunea Benta Berri auzoan ezarriko da, eta bertatik AP1erako lotura egingo dute.
Aldundiarentzat errepide hau «oso garrantzitsua» dela esan du Ugartek, «Gipuzkoa eta Euskal Herria egituratzeko estrategikoa» delako. Obra «eredugarri» izatea ere nahi dutela esan du, sindikatuekin elkarlanean egindako hitzarmenak eta diru publikoaren gainean egindako «kontrol zorrotza» azpimarratuz.
Errepide berriak ordainsaria izango duen ez dute argitu
Beasain-Durango errepideak ordainsaria izango duen ala ez, ez du argitu oraindik aldundiak. Larraitz Ugarte diputatuak, dena den, obraren proiektua «aurreikusitako neurrien arabera» egingo dela aurreratu du, eta ordainsariak jarri ahal izateko plataformak eraikiko direla baieztatu du.
87,8 Milioi euro
Horixe da une honetan lanetan dauden errepidearen azken bi zatiek duten aurrekontua. Bidegi egiten ari den Urretxu eta Antzuola arteko zatiak 46,8 milioi euroko aurrekontua du, eta aldundiaren eskumenekoa den Antzuola-Bergarakoak 41 milioi eurokoa.Lur mugimendu handiak Urretxu-Antzuola zatian
Deskargako mendatea saihesteko tunelak egiteko lur mugimendu handiak egin behar izan dira, eta horrek lanak zaildu eta garestitu ditu. Guztira, 1.700.000 metro kubiko lur mugitu dituzte, eta horietatik 900.000 tunelaren Antzuolako aldean 45 metroko altuerako pendiz bat egiteko aprobetxatu dituzte.9.513 Ibilgailu Deskarga gainean
Horixe da egunean Deskargako mendatetik igarotzen den ibilgailu kopurua. Gainerakoan, errepide zati erabiliena Beasain eta Zumarraga artekoa da. Guztira, 16.702 ibilgailu mugitzen dira egun bakar batean bide zati horretan.Orografiak eta eguraldiak baldintzatutako lanak
Urretxu eta Antzuola batzen dituen eremuaren orografia malkartsua dela eta, egin behar izan diren lur mugimenduek aurreikusi gabeko egonkortasun arazoak sortu dituzte zenbait lekutan. 2012ko urritik 2013ko apirilera euri asko egin zuen eta horrek ere lurrak egonkortasuna galtzea ekarri zuen.- ELKARRIZKETA – Iban Asenjo: «Obra honekin azpiegitura handien aroa amaituko da aldundiarentzat»
