Izartxo aisialdi taldearen konpartsa jendetsua
Beasaingo La Salle-San Jose ikastetxearen Izartxo aisialdi taldeak inauterietako konpartsa jendetsua kaleratu du aurten ere. 500 ikasle, irakasle, begirale eta guraso baino gehiagok parte hartu dute. Pariseko margolariz jantzi dira eta karrozan Frantziako hiriburuko elementuak jarri dituzte: Eiffel dorrea, Sacre Coeur eliza, Moulin Rouge eta Louvre museoko piramidea. Eguraldi txarra dela eta, ezin izan dute prestatutako ibilbidea egin. Ikastetxeko patioan dantza egin dute eta, ondoren, geltokira joan dira. Bukatzeko, pergoletako pilotalekuan dantza egin dute.
