Ostadar dantza taldekoek desfilea egin dute
Beasaingo Ostadar dantza taldeak dantza-desfilea egin du gaur goizean. Euskal Herriko txoko ezberdinetan inauterietako egun hauetan ikus eta dantza daitezkeen koreografiak eskaini dituzte: Lantzeko Inauteria eta Zuberoako Maskarada, adibidez. 10:30ean irten dira euren egoitzatik, eta tren geltokia, Nafarroa etorbidea nahiz Kale Nagusia zeharkatu dituzte Bideluze plazara iritsi arte. Aurten, berrikuntza gisa, Beasaingo erraldoiak ere dantza taldekoekin irten dira desfilean. Erraldoiak mozorrotu egin dituzte, gainera.
