Gure Esku Dago etzi abiatuko da Olaberrian
Erabakitzeko eskubidearen aldeko Gure Esku Dago ekimena Olaberrian aurkeztuko dute, larunbatean. Dinamikaren sorrera, garapena eta ekainaren 8an egingo den Durango-Iruñea bitarteko giza-katea azalduko ditu Angel Oiarbide koordinatzaileak.
Ekitaldia etzi 11:00etan da, Ihurre Zahar kultur etxean. 12:00etan, giza-katerako izena eman ahalko da, eta taldeko argazkia aterako dute. 12:30ean, otamena zerbitzatuko dute.
Lazkaon gaur (18:00-20:00) eta bihar (19:00-21:00) jarriko dute izena emateko mahaia, plazan.
