Olaberrian garagardo festa egingo dute asteburuan
Garagardoaren Lagunak taldeak III. Garagardo Festa antolatu du, astebururako, Olaberrian. Artisau eran egindako edariak dastatu ahalko dira, tartean baita olaberritarrek eurek egindakoak ere. Ostiralean 19:30ean garagardo dastaketa egingo dute, eta larunbatean festa, 18:00etatik aurrera. 21:30ean afaria ere izango da. Txartelak Ihurre, Zezilionea eta Arrieta jatetxeetan daude salgai. Dastaketakoa 10 euro kostatuko da, eta afarikoa (alemaniar erako menua da) 30 euro.
