Aizkorri taldekoak Aiako Harrian
Beasaingo Aizkorri Mendizale Elkarteak antolatuta, Aiako Harrira irteera egin dute asteburuan. Eguraldi ona lagun, giro ederrean egin ahal izan zuten ibilaldia. Datorren astebururako ere badute plana; Sagastarri mendira joango dira, urtero Juanito Cia zenaren omenez egiten duten irteeran. Igandean (hilak 24) izango da irteera hori; 08:00etan aterako da autobusa Gipuzkoa plazatik (Mataderoa). Parte hartu nahi duenak, ostiralean elkartetik pasatu (20:00etatik aurrera) eta izena eman behar du.
