Gure Esku Dagoren bost festalekuetako bat Lazkao izango da ekainaren 8an
Erabakitzeko eskubidea aldarrikatzeko 123 kilometro luzeko giza-katea egingo da ekainaren 8an, Iruñea eta Durango bitartean. 12:00etatik 12:30era gauzatuko da katea, errepideetan (11:00etatik 12:00etara bitartean kokatu beharko dute partaideek). Ondoren, Gure Esku Dago ekimenaren antolatzaileek, Euskal Herrian bost herri izendatu dituzte festaleku gisara. Horietako bat Lazkao izango da (besteak Durango, Bergara, Etxarri Aranatz eta Iruñea dira).
Lazkaon hamar mila lagun elkartzea espero dute. Festa giroko ekitaldiak izango dira, 13:00etatik aurrera: herri bazkaria eta Eskuetan abestiarekin flashmoba, tartean. Honako egitaraua izango da Lazkaon, ekainaren 8an, giza-katearen ondoren:
‘Eskuetan’ flashmoba dantzatzen, Lazkaoko plazan, 2012ko ekainean./Mikel Albisu
- 13:30. Goierriko Bertso Eskolako bertsolari gazteak.
- 14:00. ‘Gure esku bidea’ ekitaldia.
- 14:30. Bazkaria, plazako frontoian, mila lagunentzat (15 euro; txartelak aurrez salgai herrietan). Bestetik, paella, taloak eta ogitartekoak ere jarriko dituzte.
- 15:30. Patxin eta Potxin pailazoak, Lazkao Txiki Zelaian.
- 16:30. Mutxiko dantzak, Ramuntxo Zubeldiak gidatuta.
- 17:00. Erromeria, Guri5! musika taldearekin.
- 18:00. ‘Eskuetan’ abestiarekin flashmoba, Oin-Arin dantza taldeak gidatuta.
- 18:30. Erromeria, Guri5! taldearekin.
- 20:00. Jaialdiaren bukaera.
- Egunean zehar: haurrentzat jolas parkea, puzgarriak, tailerrak… (Lazkao Txiki Zelaian). Kale animazioa, musikariak, txarangak, txistulariak, trikitilariak…
