Erromeria egingo dute igandean Urbian, mendizaletasuna eta dantzarako zaletasuna bultzatzeko
http://vimeo.com/73294773 Mendizaletasuna eta mendi-erromerien tradizioa berreskuratzeko asmoarekin, Urbian erromeria antolatu du Club Vasco de Camping elkarteak. AIKO taldearen laguntzarekin, hastapen-tailer bat egingo dute eguerdian, eta arratsaldean izango da erromeria. Joan-etorriko bidaiak egiteko, autobusak jarri dituzte Donostiatik. Txema Garai CVCEko presidenteak azaldu duenez, "mendia maite dugulako antolatu dugu erromeria berezi hau Urbiako landetan, baina mendia bezain garrantzitsua dugu dantza gure herriko kulturan".
Mendizaletasuna eta mendi-erromerien tradizioa berreskuratzeko asmoarekin, Urbian erromeria antolatu du Club Vasco de Camping elkarteak. Igande honetan izango da. AIKO taldearen laguntzarekin, hastapen-tailer bat egingo dute eguerdian, eta arratsaldean izango da erromeria. Joan-etorriko bidaiak egiteko, autobusak jarri dituzte Donostiatik. Txema Garai CVCEko presidenteak azaldu duenez, “mendia maite dugulako antolatu dugu erromeria berezi hau Urbiako landetan, baina mendia bezain garrantzitsua dugu dantza gure herriko kulturan”.
Parte hartu nahi dutenek, Club Vasco de Camping elkartearen egoitzan (Donostiako Prim kaleko 35. zenbakian) eman behar dute izena, astelehenetik ostiralera, 16:30etik 20:30era bitartean. Izena emateko 15 euro ordaindu behar da. Igandean, goizeko 09:00etan aterako da autobusa Donostiako Artzai Onaren plazatik. Itzulera berriz, 19:00etan izango da.
