10. urteurrena zuekin ospatzeko
http://youtu.be/wCXVdp-AyNo Urriaren 5ean hamar urte beteko dira Goierriko Hitza egunkariaren lehen zenbakia argitaratu zenetik, eta urteurrena ospatzeko ekitaldien artean hurrengoa urriaren 4an izango da. Irrien Lagunak Klubeko Ane Pirata lagun hartuta osatutako ikuskizuna izango da, eta Goierri osoko 28 eragilek ere parte hartuko dute. Izan ere, urteurren hau ospatzea zaila litzateke urte hauetan guztietan Goierriko Hitzak goierritarrengandik jaso duen babesik gabe. Laguntza eta elkarlan hori eskertzeko antolatu du Hitzak saioa Urretxuko Ederrena pilotalekuan.
Urriaren 5ean hamar urte beteko dira Goierriko Hitza egunkariaren lehen zenbakia argitaratu zenetik, eta urteurrena ospatzeko ekitaldien artean hurrengoa urriaren 4an izango da. Irrien Lagunak Klubeko Ane Pirata lagun hartuta osatutako ikuskizuna izango da, eta Goierri osoko 28 eragilek ere parte hartuko dute. Izan ere, urteurren hau ospatzea zaila litzateke urte hauetan guztietan Goierriko Hitzak goierritarrengandik jaso duen babesik gabe. Laguntza eta elkarlan hori eskertzeko antolatu du Hitzak saioa Urretxuko Ederrena pilotalekuan.
Helburu bikoitza du emanaldiak: goierritarrei orain arte bidelagun izana eskertzea, aurrerantzean ere hala izaten jarrai dezaten eskatuz, eta urteurrena modu alaian eta festa giroan ospatzea. Horretarako, «piratez» bete nahi du Ederrena pilotalekua Ane Piratak, eta giro ezin hobea egoteaz gain, sorpresak eta opariak ere egongo direla aurreratu du.
Sarreak salgai daude
Goierriko Hitza egunkariak eta Irrien Lagunek urriaren 4an, 18:00etan, Urretxuko Ederrena pilotalekuan egingo duten ikuskizunerako sarrerak salgai daude dagoeneko eskualdeko puntu ezberdinetan edo gh@hitza.eus helbidean eskaera eginda. Sarrera bakoitza bost euroan eskuratu ahalko da.
Irrien Lagunen ikuskizuna:
Zer. Goierriko Hitza egunkariaren 10.urteurrena ospatzeko Irrien Lagunen ikuskizuna.- Noiz. Urriaren 4an, larunbata, 18:00etan
- Non. Urretxuko Ederrena pilotalekuan.
- Sarrerak. 5 euroan daude salgai Goierriko Hitzaren Beasaingo eta Urretxuko bulegoetan, Legazpiko Karibe Zaharran, Lazkaoko Gerriko eta Ordiziako Mujika liburudendetan, Zumarragako Lanbroan eta Urretxuko Foxen, edo gh@hitza.eus helbidean eskaera eginda.
- Parte hartzaileak. Urretxu-Zumarragako bertso eskola, irakurle taldea eta mintzalagunak, Lurra, Irrintzi, Zingi Zango, Gure Txoko, Bertso Olariak, Goierri, Legazpiko pilota eskola, Beasaingo udal euskaltegia, AEK, Segurako dantza taldea, Aurtzaka, Goierri beheko bertso eskola, BKL, Oin Arin, Gabiriako dantza taldea, Gabiriako eta Ormaiztegiko gaztetxea, Gerriko, Maizpide, Emaneurre, Ordiziko gaztetxea, Hitzaro, Amets Bide, Zintzo Mintzo, Goierriko Eskola Txikiak eta Hitz edo Irri.
