Azaroaren 28tik abenduaren 1era bitartean ospatuko dituzte Ormaiztegin Ander Deunaren Jaiak, eta herritarrak bilera irekiak egiten ari dira jaiak antolatzeko.
Bihar eta urriaren 16an izango dira hurrengo bilerak, 19:00etan, udaletxepean. Nahi duen guztiak parte har dezake, jaien inguruko ekarpenak eginez.
Bestalde, jaietarako
kartel lehiaketa ere martxan dago. Urriaren 13a baino lehen aurkeztu beharko dira lanak, udaletxean edo liburutegian. Udaletxean aurkezteko ordugetia: astelehenetik ostiralera, 08:00etatik 15:00etara. Liburutegian aurkezteko, berriz: astelehenetik ostiralera, 16:00etatik 18.00etara. Gutunazal batean egilearen izen abizenak, kartelaren izenburua eta harremanetarako zenbakia jarri beharko dira. Beste gutunazal batean, berriz, aurkeztuko den lana sartu behar da.
Jaiak antolatzeko bilera irekietan parte hartzen dutenek aukeratuko dute kartel irabazlea. Aukeratutako kartela jaietako egitarauaren azaleko irudia izango da. Horixe da saria.
Oinarriak:
- Neurriak: A4 eta A3.
- Konposaketa: eskuz edo era digitalean osatutako muntaiak onartuko dira.
- Azaldu beharreko testua: “Ander Deunaren Jaiak – Azaroak 28tik Abenduak 1era- Ormaiztegi 2014”
- Nahi adina lan aurkez daitezke
