Etxean dago Pedro Garcia mendizalea ebakuntza egiteko zain
Bi behatz-hezur galduko ditu Cho Oyun izandako izozteen ondorioz
Zaragozako erietxean ia hiru aste eman ondoren, etxean dago Pedro Garcia mendizale ordiziarra. Oineko behatzetan izandako izozteak zaintzen jarraitu beharko du oraindik; bi behatz-hezur, ordea, moztu egin beharko dizkiote. Azaroaren 25ean itzuliko da Zaragozara ebakuntza egitera. “Bitartean lasai hartu beharko dut!”, dio berak.
Garciak Xabier Urraterekin eta Oier Plazaolarekin urriaren 2an zapaldu zuen Cho Oyuko (8201m) tontorra. 
