26 +2 urteurrena ospatuko dute Ordiziako gaztetxean
Azaroan zehar garatuko duten egitarau bete-betea prestatu dute
Azaroan zehar gaztetxea ireki zuteneko 28. urtemuga ospatuko du Ordiziako gazte asanbladak. Ekitaldiz betetako egitaraua dute aurretik; musika, hitzaldi eta bestelako dozenaka hitzordu prestatu dituzte.
Hain justu ere 26+2 urtemuga izango dute aurtengoa; 26 urte Filipineta kaleko eraikinean egin zituzten, dagoeneko 2 izango dira Milagrosan. Eraikin aldaketa izan badute ere etenik ez du izan gaztetxe proiektuak. Are gehiago, hausnarketarako eta berrantolaketarako aukera eman die aldaketak.
Hala, autogestioan oinarritutako eremu alternatiboa eraikitzeko lanetik, ospakizunetara egingo dute salto azaroan zehar. Larunbat honetan emango diete hasiera ekitaldiei Graffiti Egunarekin; 12:00etan egingo dute txupinazoa. Handik aurrera bazkaria nahiz kontzertuak izango dira arratsaldean eta gauean. Iluntzean, manifestazioa ere egingo dute kazerolada-kalejira eran gaztetxetik erdigunera.
Ekitaldi gastronomikorik ez da faltako Musika, hitzaldi eta tailer artean otorduetarako astirik hartuko dute. Afaritarako edo bazkaritarako txartelak Herrikoan, Kirkilen eta Kantoi tabernan jarri dituzte. Zeliakoentzat edo begetarianoentzako menu bereziak ere prestatuko dituzte, baina aldez aurretik abisatu beharko da. Nahikoa izango da 25urte@gmail.com helbidera edo Facebookera email bat idaztea.Fesata giroaz gain, hausnarketara eta eztabaidarako ekintzak ere ugari izango dira azaroan zehar. Tailerrak ere bai, serigrafiarena edo xaboiarena, esate baterako. Igandero, azkenik, hitzordua jarri dute arratsaldeko 17:00etan garbiketa lanetarako.
EGITARAUA
Azaroak 1, larunbata. Graffiti Eguna.
- 12:00. Txupinazoa
- 14:30. Bazkaria
- 17:00. Rap kontzertuak: Agresion verbal, Cartal y la artilleria pesada, Throw Rap.
- 22:00. Kontzertuak: Goragaleak, Sustraiah Band, Artxoak, Maldita Sea eta Revolutionary Brothers.
- 18:00. Borroka internazionalista (Euskal Herria Sozialista)
- 18:00. Angel Cuerdoen kontakizunak.
- 21:30. Bertso afaria: Gorka Maiz, Gemma Urteaga eta Ion Maia.
- 9:00. Auzolana
- 17:00. Umeen arratsaldea, plazan.
- 21:30. Afari internazionalista.
- 23:00. Mojito festa eta kantautoreak: Joko Ko (CDaren aurkezpena), Apalatxe eta Mantala No.
- 16:30. Dokumentala eta tertulia, Earthlings
- 17:00. Serigrafia tailerra
- 16:30. Hitzaldi-eztabaida: Bertsoa eta feminismoa.
- 22:00. Filmea: Las normas de la casa de la sidra.
- 11:00. Maskulinitatea eta pantojismo tailerra.
- 18:00. Joku-poteo-kalejira trikitixarekin.
- 21.30. Afari internazionalista.
- 23:00. Kontzertuak: Drug Rockets, Nazarenos del Norte eta Blup.
- 18:00. Euskal Herria Sozialistaren hitzaldia.
- 22:30. Monologia: Txoriburu: el rapero casero.
- Egun osoan zehar: Hainbat ekintza.
- 22:30. Kontzertuak: Screammers&Sinners, Garrapatas, Estorbo eta Jarel Babel.
- 17:00. Xaboi tailerra.
- 18:00. Kafe tertulia: Okupazio ezberdinen kontaketa.
- 22:00. Mus txapelketa.
- 11:30. II. Paella Txapelketa.
- 18:30. Afari merienda.
- 22:30. Jam Session eta zurrakapotea gau guztian zehar.
