Iaz hasitako ibilbide berriari beste bultzada bat eman dio aurten Kaldereroen konpartsak Ordizian, eta egun osorako
egitarau betea osatu du herriko hainbat elkarte eta eragilerekin lankidetzan. Festa eguerdian hasiko da kalderero txikien desfilearekin. Arratsaldean, berriz, Urrup Antzerki taldeak ikuskizun bat egingo du Zozomikote pertsonaiarekin, Kaldereroen Konpartsaren desfilea hastearekin batera. Gauean, eta berritasun modura, kontzertua egongo da Plaza Nagusian. Bestalde, herriko jatetxe batzuk ‘Kalderero menua’ eskainiko dute afaritarako.
Itsasondon ere, urteroko ohiturari jarraituz, Ijito Eguna egingo ddute bihar. Arratsaldeko 16:30ean elkartuko dira plazan jubilatuen egoitzara ijito besoa egitera joateko. Herrian zehar desfilea egingo dute; eguraldiak laguntzen ez badu, frontoian egingo dute. Egunari amaiera, berriz, afari-meriendarekin emango diote.
