Ataun San Gregorion festak ospatuko dituzte bihartik jaira
San Gregorio auzoan, Ataunen, bihar eguerdian (osteguna, irailak 3) hasiko dira herriko festak. Igandera arte, lau eguneko egitaraua prestatu du auzoko Festa Batzordeak. Herri giroko ekitaldiak izango dira gehienak, lagunarteko otorduei arreta handia jarrita.
Txupinazoa bihar 12:00etan jaurtiko dute, Elkarguneko balkoitik. Ordutik aurrera, igande iluntzera arte etenik gabe ibiliko dira ataundarrak. Aurreko urteetatik ez du aldaketa sakonik egitarauak, ez egun kopuruz —lau jardunaldi dira—, ez bakoitzaren izaeraz.
Gastronomiari arreta nabarmena eman diote. Hala, lehen egunean herri bazkaria eta afaria, bigarrenean kuadrillen bazkaria eta afaria, hirugarrenean haurren bazkaria eta iluntzean pintxo afaria, eta igandean gazta eta ardo dastatzea jarri dituzte.
Zaindariaren egunak irekiko du jaien jarduna. Ostirala kuadrillentzat izango da, San Gregorio bigarrenean ohitura denez. Zuriz jantzita ibiltzeko usadioa da egunaren beste ezaugarri bat. Asto karrera ere egingo dute.
Gazteen ondotik, haurrei eskainiko diete larunbata. Bazkaria, puzgarriak, jolasak eta txupinazo berezia dituzte.
Musikaren arloan, aukera anitza dago. Lehenengo, plater bikoitza ostiralean. Joxe Replay talde baionarrak Joxe Ripiau gogoraraziko du. Jarraian, Ezten Giro erromeria taldea ariko da. Debako neska taldeak Goierriko biratxoa hasiko du. Ataunen etzi, Legazpin 12an eta Itsasondon 18an ariko dira.
Garilak 26 talde bizkaitarrak.
EGITARAUA
Osteguna, San Gregorio eguna (irailak 3)
11:00. Mus txapelketa.
12:00. Txupinazoa eta toka.
14:00. Herri bazkaria, frontoian.
17:00. Bingoa.
18:00. Otsoak dantza taldea.
21:00. Herri afaria, Artadin. Bertsolariak eta trikitilariak.
Ostirala
14:30. Kuadrillen bazkaria.
17:00. Txokolate banaketa.
19:00. Asto karrera.
20:00. ‘Etxean nahi ditugu’ kalejira. Rock kontzertua, Artadin.
21:00. Kuadrilla afaria, Zelain.
00:00. Joxe Replay taldea.
01:30. Ezten Giro taldea.
Larunbata
12:00. Haurren txupinazoa.
14:00. Haurren bazkaria.
15:00. Puzgarriak eta jolasak.
16:00. Plater tiroa.
17:30. Gazte ‘Konkisa’.
19:00/00:00. Garilak 26 taldea.
21:00. Pintxo afaria.
02:00. Mozorrotuen sariak.
Igandea
11:30. Pilota partidak.
13:00. Kantu poteoa.
18:00. ‘Hartzek ez dute zirkoan egon nahi’ antzerkia (Nelumbo).
20:00. Gazta eta ardo dastatzea.
San Gregorioko festetan kuadrillak bazkaltzen, iaz./Aitor Aldasoro
Asto karrera./A. Aldasoro
