Estatu espainiarrean egiten den turismo azokarik garrantzitsuena da Madrilgo Fitur nazioarteko azoka. Aurten ere, Goierriko eskaintza turistikoa presente izango da bertan, Goitur agentziaren bidez. Euskadiko stand-aren barruan, 20. urtez jarriko dute postua Goierriko ordezkariek, aurten,
Basque Highlands goiburupean.
Goiturrek azaldu duenez, aurten Euskadiko stand-a hiru sailetan banatuta egongo da: “hiriburuak, touring-a eta gastronomia”. Eta Goierrik, hiru produktu horietan izango du presentzia. Hala, “Goierriko jatetxe, alojamendu, museo, errekurtso eta produktu turistiko guztiak” izango dira ikusgai; gastronomiak ere toki berezia izango du,
Euskadi Gastronomika gidaren bidez.
Goiturren aurkezpenak
Euskadiko Stand-ean, Goierriko turismo eskaintza jasotzen duten hainbat aurkezpen egin dituzte egunotan; tartean, museo gastronomikoen egitasmoa, familia turismoaren gida berria, mitologiaren gida berria eta Basquetourren laguntzaz argitaratu den
Basque Highlands mapa.
Goiturren EDEN saria jaso zuen duela aste batzuk, eta horri esker, Turespaña-ko stand-ean Goierriko turismo eskaintzaren inguruko aurkezpen bat egiteko aukera izan dute, nazioarteko prentsaren aurrean. Atzo arratsaldean egin zuen aurkezpen hori, Gipuzkoako Foru Aldundiko eta Eusko Jaurlaritzako ordezkariak bertan zirela.
Euskadiko Stand-ean, Goierriko turismo eskaintza jasotzen duten hainbat aurkezpen egin dituzte egunotan; tartean, museo gastronomikoen egitasmoa, familia turismoaren gida berria, mitologiaren gida berria eta Basquetourren laguntzaz argitaratu den Basque Highlands mapa.
Goiturren EDEN saria jaso zuen duela aste batzuk, eta horri esker, Turespaña-ko stand-ean Goierriko turismo eskaintzaren inguruko aurkezpen bat egiteko aukera izan dute, nazioarteko prentsaren aurrean. Atzo arratsaldean egin zuen aurkezpen hori, Gipuzkoako Foru Aldundiko eta Eusko Jaurlaritzako ordezkariak bertan zirela. 
