Aralar eta Aizkorri mendilerroak Natura 2000 sarearen barruan
Goierriko biak sartuta, guztira 55 natur-eremu egongo dira Europa mailako Kontserbazio Bereziko eremuen artean, Natura 2000 sarearen baitan
Aste honetatik aurrera, Aralar eta Aizkorri-Aratz mendilerroak biodibertsitatearen kontserbaziorako Europar Batasuneko esparrua den Natura 2000 sarearen parte izango dira. Pasa den igandean egin zuen jakinarazpena Ana Oregi Eusko Jaurlaritzako Ingurumen eta Lurralde politikako sailburuak, Ingurumenaren Nazioarteko egunaren harira.
Aizkorri-Aratz eremua aukeratzeko arrazoi nagusia «eko- logia maila altua» izan da. Izan ere, bertan «balio handiko hainbat hegazti espezie» aurki daitezke, eta baita mendilerroak dauzkan ezaugarri fisikoen arabera, «fauna eremu bereziak» ere.
Aralar mendilerroa, berriz, bertan «fauna eremu jakin zehatzak» eta «hegazti-espezie bereziak» aurki daitezkeelako aukeratu dute. Zehazki esateko, ardi latxen eta Euskal Herriko Mendiko Zaldia espeziearen bilgunea izatea nabarmendu dute lekuaren aukeraketa argudiatzeko.
«55 bihotzen» artean
Aralarko Igaratzako larreak, atzean Aizkorri dela.
