Gabiriako eskolakoen inauteri emanaldia
Balentzategi herri eskolako ikasle-irakasleak ostiral arratsaldean ari dira inauteria ospatzen. Eliza atarira joan dira arratsaldean, eta guraso, aitona-amona eta herritar ugariren aurrean, ikuskizunak egin dituzte. Aurkezle eta guzti, malabaristak, orekariak eta zirkoko beste pertsonaia ugari irudikatu dituzte. Gabiriarrek ere txokolate-janarekin borobildu dute festa, beste herri gehienetan bezala.
