Kuadrillen eguna Zegaman

Goierriko Hitza

2017/08/26

Umoretsu atera dira kuadrillak kalera, eguerdian. / Maialen Igartua

Blusa koloretsuak jantzita atera dira gaur kalera zegamarrak, kuadrillen eguna baitute. Incansables txarangako kideen laguntzarekin, kalejira egin dute herrian zehar. Aitxuri Herri Eskolako patioan bazkalduko dute, eta arratsaldean kuadrillen arteko txapelketa jokatuko dute. 19:30 aldera herrigunera gerturatuko dira berriz, txarangaren atzetik, eta gauean Tximeleta taldeak kontzertua eskainiko du. Bihar amaituko dira festak Jaietako azken eguna izango dute bihar Zegaman. 10:00etan afizionatuentzako LXXXIV. San Bartolome txirrindulari lasterketa hasiko da. Ordu berean, Txarapeko bolalekuan bola txapelketa jokatuko dute. Arratsaldean herri kirol jaialdia izango dute, eta sardinak eta sagardoa banatuko dituzte. Gauean, azkenik, beleari agur esango diote datorren urtera arte.

ELKARRIZKETAK

ERREPORTAJEAK

KIROLA

Azken bideoak

Argitalpen bereziak