Lehertu dira San Agustin jaiak Brinkolan

Goierriko Hitza

2017/08/26

Suziria bota zuten unea, atzo iluntzean. / Tere Madinabeitia

Atzo gauean eman zieten hasiera Brinkolako San Agustin jaiei. Bederatzietan suziria bota eta ikurrina altxa zuten, auzotarrei festan hasteko aitzakia emanez. Auzo afariarekin hasi zituzten jaiak, lagun giro ederrean. Afaria girotzeko bertsolariak eta musikariak, Legazpikoak bertakoak izan ziren denak. Asier Iriondo eta Ane Beloki bertsolariak aritu ziren bertsotan afarian zehar. Trikiti eta pandero hotsaz, berriz, Elustondo anai arrebak arduratu ziren. Gauean, rock kontzertuak izan zituzten geltokiko plazan. Gaur jarraituko dute San Agustin jaiek. Bola eta toka txapelketak, eta patata tortila lehiaketa egingo dituzte arratsaldean. Gauean, berriz, afaria, musika eta txerri harrapatzea. EGITARAUA Abuztuak 26, larunbata

12:00. Marrazki lehiaketa. Lanak Armuño elkartean egongo dira ikusgai jaietan zehar.
17:00. Bola eta toka txapelketa.
17:30. Patata tortilla lehiaketaren hasiera. Ondoren sardina, txistorra, tortilla eta sagardo dastaketa.
18:00. Buruhandiak.
21:00. Afaria Armuño elkartean.
23:00. Alaitasuna rondailaren emanaldia, geltokiko plazan.
00:30. Zunba saioa geltokiko plazan.
01:00. Txerri harrapaketa.

Abuztuak 27, igandea