Benito Lertxundik azaroan Legazpin egingo duen kontzerturako sarrerak salgai daude
Benito Lertxundi kantari oriotarrak kontzertua eskainiko du Legazpin, azaroaren 11n. Urbeltz pilotalekuan izango da, 19:00etan. Gure Bazterrak elkarteak eta Legazpiko Udalak antolatu dute saioa, 50. urtemuga ospatzen ari den Haztegi ikastolarekin eta Laboral Kutxarekin batera.
Sarrerak salgai daude dagoeneko internet bidez; irailetik aurrera, Laubide jatetxean eta Haztegi ikastolan ere jarriko dituzte salgai, eta egunean bertan, pilotalekuko lehiatilan. Sarrerak aldez aurretik erosita 22 euro ordaindu behar da, egunean bertan berriz, 25 euro.
