Aitor Perez Arrieta eta Zuriñe Frutos izan dira irabazle Zegamako mendi duatloian

Alain Santamariarekin lehia estua izan ondoren, bi segundoko aldearekin nagusitu da zegamarra. Bikotekako lasterketa Iker Irastorzak eta Jon Ugaldek irabazi dute.

Goierriko Hitza

Zegama

2017/11/04

Zuriñe Frutosek irabazi du Zegamako mendi duatloia emakumezkoetan; Laura Perez hirugarrena izan da.

Euskal Herriko Mendi Duatloiko Zirkuituko azken aurreko saioa jokatu da gaur arratsaldean Zegaman. 91 kirolarik hartu dute parte guztira: 53 lagunek banaka eta 38 lagunek bikoteka. Lehendabizi 4,4 kilometro egin behar izan dituzte korrika, ondoren 14,92 mendiko bizikletan eta bukatzeko, 1,46 kilometro korrika. Helmugan sartzen lehena, herritar bat izan da: Aitor Perez Arrieta (01:10:48). Bigarrenari, Alain Santamariari bi segundoko aldearekin irabazi dio. Hirugarrena, Eneko Gurrutxaga izan da, 01:11:45 denborarekin. Emakumezkoetan, Zuriñe Frutos izan da lehenengoa, 01:37:48ko denbora eginez. Bigarren sartu da Esti Garcia (01:42:37) eta hirugarren, Laura Perez (01:44:16). Bikotekako lasterketa azkenik, Iker Irastorza-Jon Ugalde bikoteak irabazi du (01:12:18). Bigarrena Enaitz Roteta eta Axier Aburuza (01:13:47) izan dira eta hirugarrenak, Beñat Katarain eta Gorka Lozano (01:14:12).

ELKARRIZKETAK

ERREPORTAJEAK

KIROLA

Azken bideoak

Argitalpen bereziak