Ataungo kartelen erakusketa gaur zabalduko dute, udaletxean
Pasa den urtean zehar herrian antolatutako ekitaldien kartelak bildu eta ikusgai jarri dituzte, bosgarren urtez. Ostiralera arte bisitatu daiteke.
Ataunen bertan antolatutako ekitaldien, egitarauen eta ekimenen berri kalean iragarri zuten kartelekin erakusketa antolatu dute, herriko elkarteek. 2018ko afixak dira, eta Ataungo Kartelen V. Erakusketan ikusi ahalko dira, gaurtik ostiralera bitartean.
Udaletxeko ganbaran atondu dute erakusketa. Irekiera ekitaldia gaur 19:00etan egingo dute. Bihar eta etzi, ikustera joateko ordutegia 19:00etatik 20:30era izango da, arratsetan. Goizean, berriz, udal bulegoak irekita dauden garaian.
Aurreko aldietan bezala, Atauniker eta Joxemiel Barandiaran Murkondo kultur elkarteek batera antolatu dute erakusketa. Ondare hori biltzea da jarduera bat, eta herritarrei eta eragileei eskatu ohi diete jasotzeko, Ataungo oroimen historikoa jasotzeko.
