Ekitaldiz beteriko asteburua izango dute legorretarrek
Asteburuan aspertzeko denborarik ez dute izango legorretarrek. Izan ere, ekitaldiz bete-betea baidator. Adin tarte guztietako herritarrei zuzendutako ekintzak izango dituzte.
Legorretarrak, geldi egoten ez diren horietakoak dira eta beste behin ere erakutsiko dute hori. Herritik eta herriarentzat egiten dute lan eta horren adibide garbia da asteburura begira antolatu dutena. Ostiralerako, txikienentzat aisialdi aukera polita egongo da Legoreggae elkarteko lagunen ekimenez. Altxorraren bila arituko dira, 17:30etik aurrera, herriko plazan. Jolasak, baserria izango du ardatz.
Horren haritik, larunbatean, Joxe Mari Allurrek hitzaldia emango du, Legorreta eta legorretarrak goiburupean. 17:15ean izango da hori, udaletxean.
Larunbaterako egitarauarekin jarraituz, hitzaldiaren ondoren, 18:30ean, talo jana izango da frontoian, Ugarotarrak guraso elkarteak antolatuta.
