Goierriko 6. Rallysprinta martxoaren 16an egingo dute
Lazkao, Zaldibia eta Gaintza artean jokatzen dute Goierri Rallysprint proba. Aspanogi elkartearen aldeko lasterketa solidarioa izango da aurten ere.
Enrique Barrenetxea-Arandok eta Anartz Onandiak irabazi zuten iaz, Mitsubishi EVO autoarekin // EAF-FVA 
Goierri
Martxoaren 16an egingo dute VI. Goierri Rallysprint proba, Lazkao, Zaldibia eta Gaintza artean. Antolatzaileek jakinarazi dutenez, aurten ere, Aspanogi erakundearen aldeko proba solidarioa izango da.
Proba hori dela eta, martxoaren 16an, larunbatarekin, hainbat bide itxita egongo dira Lazkaomendin eta Larraitzerako bidean, 12:30etik 20:30era bitartean.
