Ormaiztegiko Osasun Etxe berria prest dago
Ormaiztegiko Osasun Etxe berriaren aurkezpena egin dute. Astelehenetik aurrera martxan izango dira bertako zerbitzuak.
Lekuz aldatuta eta berrikuntzekin irekiko dute astelehenean Ormaiztegiko Osasun Etxe berria. Gaur egin dute aurkezpena eta Jon Enrique Galartza alkateak, Osakidetzako ordezkaritzari ofizialki eman dio tokiaren agintea. Galartzak dio eraikuntza eta materiala udalarenak izan arren, Osakidetzaren esku utzi dela gunea.
Azken uneko xehetasunak txukundu eta eraikuntza batetik bestera materiala igaro ondoren, prest dute ormaiztegiarrek Osasun Etxe berria.
Tresneria berria dutela profesionalek dio alkateak. Atzean utzi duten horretan falta zen larrialdi zerbitzurako gela bat gehiago duela berriak nabarmendu du.
