'Nondik dator esnea?' bisita gidatua egin dute Iztueta baserrian
Iztueta baserriaren inguruko bideo labur bat eta ikuiluaren funtzionamendua gertutik ezagutzeko aukera izan dute bisitariek. 11:00etan hasi da bisita gidatua, eta pare bat orduko iraupena izan du.
Ikuiluko behien bizimodua gertutik ikusi dute bisitara bertaratu diren haurrek eta familiek Lazkaomendiko Iztueta baserrian ‘Nondik dator esnea?’ bisita gidatua egin dute. Lazkaomendiko zelaietako behien bizimodua erakutsi die Ainitze Salak Iztuetan bildu direnei. Baserriaren inguruko bideo labur bat eta ikuiluaren funtzionamendua ikusteko aukera izan dute bisitariek, besteak beste.
11:00etan hasi da bisita gidatua, eta pare bat orduko iraupena izan du. Esnea sortzeko prozesua nolakoa den ezagutu dute baserrira joan diren haurrek eta familiek. Gaurko bisitarako sarrerak ziztuan agortu zirenez, beste bisita bat antolatu dute.
