Domingo Agirre eskolakoek 2.100 euroko txekea eman diote Aspanogiri
Ikastetxe publikoak egindako Azoka Solidarioan bildutako dirua Aspanogiri eman diote elkarteak Legazpiko El Ouafi familiari bideratuko dio
Txekea eman zuten unea 
Aurreko ostirala Haur Minbizidunen nazioarteko eguna izan zen eta Domingo Agirre Legazpiko ikastetxe publikoko kideek, Olazabal institutuko ordezkariak bertan zirela, Aspanogiri eman zioten Azoka Solidarioan bildutako 2.100 euroko txekea. Elkarteak bere jardunaren berri eman zien ikasleei eta txekea Legazpiko El Ouafi familiari bideratuko diotela esan zuten. Inoiz baino diru gehiago bildu zuten azken Azoka Solidarioan eta legazpiar askok euren alea jarri zuten.
