Ziklo-krosaren harrobia Itsasondon bildu da
Larehun ume baino gehiago elkartu dira gaur Itsasondon, maila ezberdinetan egin dituzten lasterketetan.
Ziklo-kroserako tradizio handiko herria izan da Itsasondo. Badira urte batzuk proba nagusirik antolatzen ez dutela, baina aurten, harrobian jarri dute indarra. Eskolarteko ziklo-kros proba antolatu dute, eta erantzuna bikaina izan da. 400dik gora haur eta gaztetxo bildu dira antolatu duten zirkuituan, maila ezberdinetan banatuta.
