Eskailerak igotzeko beldarra dohaintzan eman dio Ikatzak Legazpik Gizarte Zentroari
Ikatza argazkilari elkarteak Gabonetan egindako argazki salmenta solidarioan bildutako diruarekin beldarra erosi eta Gizarte Zentroan utzi dute behar dutenek maileguan har dezaten
Ikatza argazkilari elkarteko kideak dohaintza egiten 
Ikatza argazkilari elkarteak Gabonetan egindako argazki salmenta solidarioari bildutako diruarekin eskailerak igotzeko beldarra erosi du. Gaur Gizarte Zentroan beldarra utzi dute. Aurrerantzean eskailerak igotzeko zailtasunak dituzten adin guztietako legazpiarrek maileguan hartu eta erabil ahalko dute hilabete batzuetan zehar. Ezingo da epe luzerako mailegatu, izan ere, epe luzeko beharra duten legazpiarrek horretarako dauden diru laguntzei buruzko informazioa eskatu ahalko dute udaleko gizarte zerbitzuen sailean.
