Eskaladako hastapen jardunaldi teknikoa egingo du Beasaingo Arrastakak
Jardunaldi teorikoak eta praktikoak egingo dituzte hilaren 7an, 9an, 14an, 16an, 18an eta 19an.
Antzizar Kiroldegiko rokodromoan egingo dituzte lehenengo lau eguneko saioak. Eskaladako hastapen jardunaldi teknikoak egingo ditu Arrastaka mendi taldeak datozen bi asteetan, «eskalada segurtasunez burutu beharreko teknika eta maniobrak zein material jakin batzuen erabilera ezagutzea es- katzen baitu, behar bezala gozatu eta modu seguruan praktikatu ahal izateko». Honela, maiatzaren 7an eta 9an, korapiloak eta sokaren erabilerak landuko dituzte. Maiatzaren 14an eta 16an, berriz, beste bi saio teoriko-praktiko egingo dituzte, soken, aseguratzeko tresnen, arnesen, mosketoien eta abarren erabilera ikasiko dute, baita zeinu bidezko teknika eta progresioko teknikak ere. Saio praktikoa maiatzaren 18an eta 19an egingo dute Eginon.
Jardunaldietan parte hartzeko aukera dutenek bilera egingo dute gaur, 19:30ean, Ehunmilak-Arrastakaren egoitzan (Urbieta Etxearen parean).
