Segurako San Joan jaietako kuadrilla lehiaketarako izena emateko aukera dago
Ekainaren 5ean bukatuko da epea. Haur, gazte eta heldu taldeek har dezakete parte.
Helduetan Kalekoloko kuadrilla izan zen irabazle iaz. Argazkia: Joseba Telleria. Sanjoanak gerturatzen ari dira eta Segurako V. Koadrila Lehiaketarako izena emateko epea zabalik dago, ekainaren 5era arte. Ondo pasatzea, San Joan festa parte hartzaileak indartzea eta kuadrillen arteko harremanak bultzatzea du helburu lehiaketak eta haur, gazte nahiz helduek har dezakete parte.
Izena emateko www.segura.eus webguneko formularioa bete behar da. Zalantzak argitzeko: 627 44 91 61 – kultura@segura.eus / 63914 49 72 – gaztelekua@segura.eus.
Egitaraua:
- Ekainak 21, ostirala: mozorro lehiaketa.
- Ekainak 22, larunbata: kuadrillene eguna: 13:00etan alpargata saskiratzea, txapel eta urrutiko penalti jaurtiketak; eta 19:30ean, kantu lehiaketa Iñigo Etxenikek gidaturik.
Proba guztietan edo nahi denetan parte hartu daiteke.
Sariak:
- Lehiaketa bakoitzeko lepoko zapia eta bertsoa.
- Sari nagusia: umeek 100 euroko merienda eta heldueek 150 euroko merienda.
