Auzoak festa giroan
San Pedro jaiak ospatuko dituzte bihar eta larunbatean Ezkiagan, eta larunbatean Arriaranen. Zapatari kalean ere egun osoko festa egitaraua antolatu dute auzotarrek larunbaterako
San Pedro jaiak ospatuko dituzte Beasaingo bi auzotan: Ezkiagan eta Arriaranen. Ezkiagako auzotarrek bi eguneko festa egitaraua antolatu dute. Bihar, 10:30etik 13:30era eta 15:15etik 17:15era puzgarriak jarriko dituzte txikienen gozamenerako. Arratsaldean, 17:30ean apar festa, 19:30ean buruhandiak eta txistulariak eta 20:00etan txistorra eta sardina jana izango dituzte. Gauean, berriz, 22:00etan San Pedro sua piztuko dute.
Larunbatean, paella erraldoia prestatu eta bazkaria egingo dute auzotarrek 14:30ean. Arratsalderako, haurrentzako ekitaldi ugari prestatu dituzte: 16:30ean umeentzako ikuskizuna, 17:30ean ipuin kontalaria, 19:00etan txokolate jana eta 19:30ean buruhandiak.
Arriaranen larunbatean
Arriarandarrek larunbatean izango dute festa eguna. 11:00etan harrera egingo diete udal agintariei, eta meza nagusiaren ondoren, mokadutxoa egingo dute trikitilariek alaituta. 12:30ean idi proba saioa izango dute, Beñat Oregik eta Beñat Azketak, eta Roman Zaldibiko Zaharrak eta Ipiñarrietak. 14:30ean bazkaria egingo dute; gaur da bazkarirako izena emateko azkeneko eguna. Bazkalondorenean, 17:00etan mus eta punttu txapelketa eta 17:30ean haur jolasak eta toka lehiaketak izango dituzte. 19:30ean, festen ikurra den Arriarantxo erreko dute. Hala ere, festak jarraituko du: 20:00etan, Jokin Lasa eta taldearen kantu saioa izango da, eta 21:30ean afaria gaur da izena emateko azkeneko eguna. Beñat Iturrioz eta Maddalen Ugalde trikitilariek alaituko dute San Pedro jaietako eguna.
Zapatari kalean
Beasaingo Zapatari kalean ere urteko festa eguna ospatuko dute larunbatean. 11:00etan haur jolasak, 12:00etan Anjelusa, 14:30ean bazkari herrikoia, 15:30ean haurrentzako jolasak, 16:30ean zozketak eta helduentzako jolasak eta 18:00etan, VII. zapata jaurtiketa txapelketa egingo dituzte. Musikak ere izango du tokia egun osoan.
Xake txapelketa jokatuko dute etzi Ezkiagan
Xakelarien topaleku bilatukatuko da larunbatean Beasaingo Ezkiaga auzoa. Alfil elkarteak antolatuta, larunbatean xake txapelketa jokatuko dute Ezkiaga auzoko Ezkierdi pilotalekuan.
Adinka, lau mailatan banatuko dute lehiaketa: 7 urtera artekoena, 8-9 urtekoena, 10-11 urtekoena eta 12 urtetik gorakoena. 09:30ean zabalduko da izen-ematea eta txapelketa 12:00ak arte luzatuko da. Amaieran, hamaiketakoarekin indarrak hartu eta sariak banatuko dituzte.
