San Inazio eguna ospatuko da Urbian asteazkenean
Urtero legez, Urbian San Inazio eguna ospatuko da hilaren 31n. Jendez betetzen dira Urbiko zelaiak egun berezi honetan, eta jai-giro aparta izaten da.
Iazko Urbiko San Inazio egunaren ospakizuna. San Inazio eguna berezia izaten da Urbian, eta aurten ere ez da gutxiagorako izango. Beste urte batez egun polita antolatu dute Gipuzkoa eta Arabako Partzuergoak eta Urbiako Fondak. Egitaraua beste urteetakoen antzekoa izango da. Meza santua 11:30etan, eta honen ondoren Erromeria Fonda ondoan Miren, Agur eta Maiderren eskutik. Bazkariaren ondoren ere erromeria egongo da.
Ezingo da kotxez igo Urbira
Antolatzaileek aipatu dute Zalduondoko udalak Zumarraundi izenez ezagutzen den bidea ixtea erabaki duela, bidearen egoera txarra argudiatuz. Hori dela eta, ezingo da Urbira autoz igo San Inazio egunean.
