Gaur eta bihar ospatuko dituzte Katea auzoko festak Idiazabalen
Iazko etenaren ondoren, Idiazabalgo Gazte Asanbladak hartu du Kateko Pestak antolatzeko ardura. Egitarau zabala prestatu dute bi egun hauetarako.
Argazkia: Goierriko Hitza. Iaz Kateko Pestak bertan behera gelditu ziren arren, aurtengoan berriro ospatuko dira. Bi eguneko egitarau betea egongo da hurbiltzen den ororentzat. Idiazabalgo Gazte Asanblada arduratu da festen antolakuntzaz, eta denetarik aurki daiteke festetako egitarauean.
Egitaraua:
Uztailak 30, asteartea
- 18:30. Animazio katea (igerilekutik hasita).
- 19:00. Sagardo dastaketa eta pintxoak.
- 00:00. Txerri harrapaketa.
- Ondoren kontzertuak: RudeSka eta Neuronas Muertas.
- 05:32. Kaltzontzilo, kulero eta tanga lasterketa.
- 07:03. Gaupasero argazkia.
Uztailak 31, asteazkena
- 16:30. Ume jolasak.
- 17:00. Mus txapelketa. (izen-ematea 16:00etatik aurrera)
- 21:00. Bertso afaria. (Sarrerak Izparren egongo dira salgai)
- Ondoren Kontuz! erromeria eta jarraian karaoke autogestionatua.
