Juan Inazio Begiristain omendu dute Ataunen
Juan Inazio Begiristain bertsolari ataundarrari omenaldia egin diote gaur goizean. Oroitarri bat ipini dute bere omenez Ibondon, bere jaiotetxean.
Bertsolariaren jaiotetxean egin dute omenaldia. / Argazkia: Xabier Regil Pertsona maitea zen ataunen Juan Inazio Begiristain, bertsotan ez ezik, beste hainbat alorretan ere. Horren erakusgarri da gaur 12:30etan egin dioten omenaldia bere jaiotetxean. Josetxo Munduate bertsolariak bertsolari aiatarraren pasarte eta istorio batzuk kontatu ditu, baita bertsoa bota ere. Murkondo elkarteak oroigarri plaka bat ipini du Ibondon bertan, bertsolariaren jaiotetxean. 
Omenaldiaren ondoren, San Inazio egunean urtero egiten duten modura bazkaria antolatu dute Haitzarri elkartekoek, 14:30etan. Santi eta Katxo trikitilariak izango dira bazkalondoa alaitzeko arduradunak.
‘Baserria Ataunen’ erakusketa
Azken hiru egunetan Aiako Erroipen ikusgai egon da erakusketa hau, eta gaur goizean ere publikoari zabalik egon da 10:00etatik aurrera. Haitzarri, Atauniker eta Murkondo elkarteek Arain familiarekin elkarlanean prestatu dute Baserria Ataunen, lehen eta orain erakusketa.
