Beasaingo musika eskolan astelehenean irekiko dute matrikula egiteko epea
Irailaren 6ra arte egongo da izena ematek aukera. Plazak mugatuak dira. Izen emate ordena errespetatuko da.
Beasaingo Loinatz Musika Eskolak 2019-2020 ikasturteko bigarren matrikula epea irekiko du irailaren 2tik 6ra bitartean, 09:00etatik 13:30etara. Musika Tailerrean (5 urte), 3. adineko Musika Tailerrean, eta klarinete, flauta, txistu-dultzaina, saxofoi eta akordeoi eskoletan dago aukera. Dena den, musika eskolatik jakinarazi dutenez, plazak mugatuak dira eta ordutegi aukera murriztuak daude. Izen emate ordena errespetatuko dute.
