Dataz aldatuta dator Batis Goikoetxearen omenezko argazki rallya
Irailaren 14an egingo dute Legazpin, Agorreko Santikutzetan, Ikatza argazkilari elkarteak antolatuta
Ikatza argazkilari elkarteak antolatu ohi duen argazki rallya ez dute aurten Artzain Egunean egin. Data aldatu diote eta Batis Goikoetxea elkarteko kide izandakoaren omenezko argazki rallya larunbatean egingo dute, irailak 14, Agorreko Santikutzen barruan.
Parte hartu nahi duten zaleek izena kultur etxean eman beharko dute 09:00etatik 10:00etara larunbatean bertan. Hamaiketakoa banatuko du antolaketak. Lanak, asko jota, irailaren 18an entregatu beharko dituzte. Sariak urriaren 18an banatuko dituzte. Herriz Herri argazki lehiaketarako puntuagarria da aurtengo rallya. Helduek zein haurrek parte hartu ahal dute.
