Ordizia Saskibaloi Taldeak denboraldi berriaren aurkezpena egin du
50. urteurrenaren harira antolatutako ekintzak eta talde guztiak aurkeztu dituzte. Gipuzkoa Basket taldeko jokalariak ere Ordizian izan ziren.
50.urteurrenaren bideo ementxe daukazute. GOZATU!!!Aquí tenéis el video del 50 aniversario. DISFRUTAR!!!#frontoitikiroldegira #ordiziasaski #ordizia
Publicada por Frontoitik Kiroldegira en Lunes, 16 de septiembre de 2019
Ordizia K.E. saskibaloi taldeak 50. urteurrena ospatuko du 2019-2020 denboraldian. Horren harira ekintza ugari antolatu dituzte eta atzo, hurrengo hilabeteetan egingo dituztenak aurkeztu zituzten Barrenan. Irailaren 21ean izango da lehena. Sentsibilizazio jardunaldia egingo dute, 16:00etan hasita, Majori kiroldegian. Gurpildun aulkietan jokatzea zer den probatu ahalko dute bertaratzen diren guztiek. Ondoren Salto Bera-Bera taldekoek erakustaldi partida jokatuko dute. Partidaren atsedenaldian, omenaldia egingo diete 1970. urtean sortu zen klubeko lehen taldea osatu zutenei.
Egitarauaren inguruko xehetasunak eman ondoren, urteurrenagatik sortu duten Frontoitik kiroldegira bideoaren emanaldia egin zuten. Bideoan, klubetik pasatako jokalari asko eta asko agertzen dira.
Prentsaurrearen ondoren, Plaza Nagusia izan zen elkargunea. Bertan, klubeko jokalari eta entrenatzaile guztiak elkartu ziren eta taldeka, banan-banan, taula gainera igo ziren. Azkenik, gonbidatu bereziak igo ziren, Gipuzkoa Basket-eko jokalariak.
