Erregaien igoera, apaiz gaztea eta 18/98 auzia
Erregaien prezioak azken urteetako igoerarik handiena izan zuen 2004an, eta horrek kezka eragin zuen garraiolarien eta baserritarren artean. Ainhoa Irastortza ordiziarrak hiru urte egin zituen espetxean, 18/98 auziko epaiaren zain. Eta Lazkaon, Koldo Intxausti apaiz gazteak estereotipo guztiak apurtu zituen.
Los pastores de Aralar, convocados por el sindicato EHNE, han comparecido en un punto de la sierra para denunciar que las instituciones no han cumplido la palabra que les dieron en su dÌa de remozar sus bordas. Han mostrado paquetes de tejas y otro material de construcciÛn que no ha sido utilizado. En la foto, Eneko Karrera (presidente de EHNE Gipuzkoa) y Javier Jauregi (Coordinador Mendiko Antzartza Lantalde). 
Azken urteetan erregaien igoera urteroko kontua bihurtu da. Duela hamabost urte, igoera ohi baino handiagoa izan zen, eta horrek kezka sortu zuen hainbat sektoretan. Goierri Hitzak, garraiolari, nekazari, taxista eta gasolindegiko langile banarekin hitz egin zuen, egoerak zertan eragiten zien jakiteko.
-
- Lurdes Galarraga (garraiolaria): «Enpresan ditugun tarifak urte hasieran bezala mantentzen dira, eta irabazietan nabari da jaitsiera»
-
- Javier Irastortza (taxista): «Errepideko garraioari esker jaten dugunoi ez digu batere laguntzen azken aldiko igoerak»
-
- Garbiñe Garmendia (gasolindegiko langilea): «Sekula ez da egon horrelako igoera handirik; bezeroak kexu dira, batez ere autonomoak»
-
- Eneko Karrera (EHNE): «Sindikatuak gasolio profesionala eskatzen du; baserritarren beharretara egokituko dena»
18/98 sumarioaren urte gogorrak ziren. Baltasar Garzon epaileak Amnistiaren Aldeko Batzordeetako 13 kide atxilotu zituen, tartean Juan Mari Olano bozeramaile gaintzarra eta Ainhoa Irastortza Ordiziarra. Goierriko Hitzak haren amarekin, Ani Otegirekin hitz egin zuen, bere egoeraren berri izateko. Zeldan egunean 22 ordu egiten zituela eta “giharrak ez gogortzeko babetik bestera” ibili behar zuela azaldu zuen; baita “martxoaren 11ko gertaeren ondotik presoen egoerak okerrera” egin zuela ere.
Koldo Intxausti apaiz gaztea, Lazkaon // A.Maiz
Apaiz gazte batek zeresan ugari eman zuen Lazkaon, ezohiko itxura eta jarrera baitzekartzan Koldo Intxausti alegiarrak. Hitzari eskainitako elkarrizketan, “gizartea balore krisian baino gehiago, noraezean” dagoela zien. Latina baino gehiago, ingeleraren aldeko apustua egin zuen, eta heavy musikaren zalea dela zioen. Plaza gizona ez bada ere, “jendearekin hitz egitea, zuzeneko harremana izatea” gustatzen zaiola zioen, eta “beste estilo batean kristau” izan daitekeela frogatu nahi zuen.
-
- Haizetearen eragina, Olaberrian
-
- Haizetearen eragina, Beasainen
Udazken beteko eguraldia egin zuen egun haietan, eta haizete kontuak ere baziren Goierrin. Makina bat adar bota zituen bazterretan, eta baita kaleetan farolak eta paper ontziak ere.
