Salgai daude hilaren 8ko bertso saioko sarrerak
Maialen Lujanbio txapelduna Beasainen ariko da azaroaren 8an. Argazkia: Alberto Elosegi. Azaroaren 8an, 22:30ean, urteroko udazkeneko bertso saioa egingo da Usurbe Antzokian Arrano kultur elkarteak antolatuta. Txartelak salgai daude dagoeneko Usurbe Antzokiko leihatilan, 6 euroan.
Belaunaldi desberdinetako sei bertsolari elkartuko dira: Agin Laburu, Amets Arzallus, Eneko Araiztegi, Iñaki Apalategi, Maider Arregi eta Maialen Lujanbio. Mikel Urteaga ariko da gai jartzen.
