Bigarren Olentzero Azoka egingo dute Legazpin asteburuan
Iazko arrakasta ikusita, aurten errepikatuko dute bertako merkataritzari bultzada ematea helburu duen azoka. Hainbat eragileren elkarlanaren emaitza da. Ingurumena zainduko dute
Bigarren Olentzero Azokaren aurkeztu zuten atzo, Legazpiko udaletxean. Larunbatean eta igandean egingo dute, Azokan, goizez eta arratsaldez. Helburua bertako merkataritza eta nekazaritza hauspotzea da, eta, bide batez, Olentzerori opari-enkarguak egiteko Legazpiko merkataritzak egin ahal duen eskaintzaren erakusleihoa izatea.
Azoka, aurtengoan ere, udalerriko hainbat eragileren arteko elkarlanaren emaitza da. Agerraldian Eric Galvez udal gobernuko kideak azoka Merkataritza Sustatzeko Udal Planaren barruko ekintza dela esan zuen. Ilinti merkatari elkarteko Josu Morenok, besteak beste, gaur egun 46 bazkide direla eta Legazpiko merkataritzaren %60a ordezkatzen dutela azaldu zuen.
Uggasa Urola Garaiko garapen agentziako Josune Telleriak bailarako kohesioa, integrazioa eta lehiakortasunaren aldeko apustua egin dutela esan zuen, eta helburu hori lortzeko udalerri bakoitzak berezkoak dituen baliabideak erabiltzea ezinbestekoa dela adierazi zuen; kontestu horretan kokatu zuen azoka.
Lenbur fundazioko Olatz Condek egindako elkarlanari azpimarra egin zion, herrigintzan ari direla esan zuen.
Galvezek iazko azokaren balorazioa oso ona izan zela azaldu zuen, hain ona izan zen, azoka geratzeko etorri dela. Jasangarritasunari erreparatuko diote aurten ere berrerabilitako materialak erabilita.
EGITARAUA
Azaroak 30, larunbata
· 11:00. Azoka irekitzea.
· 11:30-13:30. Igo Olentzero eta Mari Domingiren astotxoak daraman gurdira.
· 12:00-14:00. Sorgintxulo: umeentzako eskulanak.
· 15:00. Azoka ixtea.
· 16:30-18:30. Sorgintxulo: umeentzako jolasak.
· 18:00-20:00. Igo Olentzero eta Mari Domingiren astotxoak daraman gurdira.
· 18:00. Musika Eskolako trikitixa taldea.
· 19:00. Santikutz Abesbatza: Gabon kantak.
· 21:00. Azoka ixtea.Abenduak 1, igandea
· 11:00. Azoka irekitzea..
· 11:00-14:00. Telleriarteko talogileak.
· 11:30-13:30. Igo Olentzero eta Mari Domingiren gurdira.
· 12:00-14:00. Sorgintxulo : umeentzako eskulanak.
· 12:30. Musika Eskolako Dultzaineroak.
· 15:00. Azoka ixtea.
· 16:30-18:30. Sorgintxulo: umeentzako jolasak.
· 18:00-20:00. Igo Olentzero eta Mari Domingiren gurdira.
· 20:00. KTE elkartearen saskia ematea.
· 20:15. Mari Domingiren eta Olentzeroren bisita.
· 20:45. Azoka ixtea.
