Gabonetako pilota jaialdia egingo dute igandean Ormaiztegin
Emakumezkoen lau eta erdiko partida, eta pilotari beteranoen binakakoa jokatuko dituzte; tartean izango dira Xala eta Pascual
Ormaiztegiko Udalak eta Upel Pelotak antolatuta, Gabonetako Pilota Jaialdia egingo dute igandean, Ormaiztegiko Zubipe kiroldegian. Bi partida jokatuko dituzte, emakumezkoen lau eta erdikoa, eta pilotari beteranoen arteko binakakoa.
Aurreneko partidan Maite Ruiz de Larramendi eta Iera Agirre ariko dira, kaiolako lehian. Segidan, gizonezkoen binakako partida jokatuko dute: Xala eta Azanza, Olazabal eta Pascualen aurka.
Jaialdia arratsaldeko 18:00etan hasiko da; sarrerak, 17:30etik aurrera jarriko dituzte salgai, 10 euroan, Zubipen bertan.
