Izaki Gardenak taldeak Ordizian joko du bihar
Bihar, urtarrilak 4, Izaki Gardenak eta Xabier Crehuet ariko dira zuzenean, Ordiziako Beti Alai pilotalekuko frontoi txikian.
Urte berria sorpresa eta guzti dator, kultur agendari dagokionean. Eguberrietako egitarauan iragarri gabe bazegoen ere, Izaki Gardenak taldeak joko du bihar, urtarrilak 4, Ordizian. Haiekin batera, Xabier Crehuet ordiziarra ariko da, bere diskoko kantak aurkezten. Kontzertua 19:30ean hasiko da, Beti Alai pilotalekuko frontoi txikian; sarrera, doakoa izango da.
