Sergio Sanchez eta Rkia El Moukim garaile Beasainen

Lehenengo goierritarrak Zumarragako Tasio Gomez eta Lazkaoko Maite Arraiza izan dira.

2019/12/31

328 korrikalarik parte hartu dute Beasaingo 46. San Silbestre proban. Ohi bezala, bizkorra izan da lasterketa eta helmugan sartzen lehenengoa Sergio Sanchez izan da (27:35); hiru segundora iritsi da Josfhat Menjo eta sei segundora Hicham Segueni. Gizonezkoetan, lehenengo goierritarra, Tasio Gomez zumarragarra izan da (32:03) eta lehenengo beasaindarra Koldo Agirre (33:15).

Emakumezkoetan ere lehia estua izan da. Lehenengo biak segundo bateko tartearekin sartu dira Gernika pasealekuko helmugan: Rkia El Moukin 31:22 minutura eta Mercy Koech 31:23ra; hirugarrena, Majida Mouayouf izan da (32:03). Lehenengo neska goierritarra Lazkaoko Maite Arraiza izan da (34:59 eta lehenengo beasaindarra Libe Onandia (42:23).

Sailkapena ikusteko sakatu hemen.

Azken elkarrizketak

Azken bideoak

Argitalpen bereziak