Iztueta baserrian esnearen ekoizpena erakusteko bi bisita gidatu egingo dituzte
Datozen bi igandetan izango dira, otsailaren 16an eta 23an. Gipuzkoako Parketxe Sareak antolatu ditu saioak, eta izena aurrez eman behar da.
Iztueta baserrian esnearen jatorria ezagutzeko iaz egindako bisitetako bat // Naia Begiristain Nondik dator esnea? Galdera horri erantzuteko, Lazkaoko Iztueta baserrian bi bisita egin ahalko dira, hurrengo bi igandeetan: otsailak 16 eta 23. Bisitak 11:00etan izango dira, eta bi orduko iraupena izango dute.
Gipuzkoako Parketxe Sareak antolatu ditu, eta parte hartzeko, aurrez eman behar da izena, lekuak kontatuak baitira. Aralarko parketxera (943 180 335 edo 688 895 069) deitu behar da. Helduek 8 euro ordaindu behar dute eta haurrek (3-12 urte) 5 euro.
