Maddi Mendizabal zaldibiarra Emakumea Pilotariko txapeldun da
Emakumea Pilotari ekimenak antolatutako binakako txapelketan, Mendizabal zaldibiarrak eta Arrieta azkoitiarrak jantzi dute txapela 1. mailan.
Emakumea Pilotari ekimenean, eskuz binakako pilota txapelketaren bigarren ekitaldia jokatu da aurten. Bi mailatan bereizita aritu dira pilotariak, hamar bikote guztira. 1. Mailan, Maddi Mendizabal zaldibiarra da txapeldun, Eneritz Arrieta aurrelaria azkoitiarrarekin bikotea osatuta.
Finalak ostiral arratsean jokatu zituzten, Zestoako (Gipuzkoa) Gurutzeaga frontoian. Arrieta-Mendizabal bikoteak aurkari zailduak zituzten: Patri Espinar eta Nora Mendizabal. Tanto bakarraren aldearekin, 21 eta 22, baina txapela jantzi dute.
Partidan alde handirik gabe eraman zuten markagailua sabairaino. Berdintasun handia izan zen jokoan eta emaitzetan: 12na berdinduta iritsi ziren erdi parera, eta hala jarraitu zuten 21nako txarteletaraino.
2. Mailan, Maite Tolosak eta Mirian Arraizak irabazi dute Emakumea Pilotari (22-10), Maddi Barrocal eta Naroa Agirre menderatuta.
