Emakume kirolarien eta bildumazale baten argazkiak ikusgai
Iñaki Bergara argazkilariak 'Emakumea kirolean' argazki erakusketa jarri du ikusgai, hilaren 27ra arte, Legazpiko kultur etxean.
Iñaki Bergararen Emakumea kirolean argazki erakusketa dago ikusgai Legazpiko kultur etxean, martxoaren 27ra arte. Emakumezkoen kirolak bizi duen errealitatea edo «berdintasun eza» azaleratzea da erakusketaren helburua.
Kirol modalitate ezberdinetan aritzen diren emakumeak erretratatu ditu Bergarak, kirolaren alorrean lortutakoak eta lortzear daudenak erakusteko.
Argazkia da, baita ere, Joan Kruz ile apaindegian apirilaren amaierara arte ikusgai dagoen Bilduma bat erakusketaren ardatza. Bertan, Jesus Mari Sarasua Garatek jasotako argazkiak ikus daitezke. Ansel Adams, Roberto Botija, Carlos Canovas, Toni Catany, Robert Doisneau, Erika Ede, Frank Horvat, Teo Martinez, Aitor Ortiz, Bernard Plossu, Mila Ruiz eta Senji Taniuchik egindako argazkiak dira.
